FlyArystan Бакуде өтетін COP29 конференциясына байланысты мәлімдеме жасады

Аталған іс-шараға байланысты, Гейдар Әлиев атындағы халықаралық әуежайында жолаушылардың қауіпсіздігі мен жайлылығын қамтамасыз ету мақсатында жұмыс кестесі уақытша өзгертіледі.

Осы кезеңде жолаушыларға сапарларды алдын ала жоспарлау ұсынылады:

• 10-14 қараша аралығында 1-ші және 2-ші терминалдарға тек билет сатып алған жолаушылардың кіруіне рұқсат етіледі. Күту залдарында адамдардың көп жиналуын болдырмау мақсатында шығарып салушылар мен қарсы алушы азаматтардың әуежайға келуден бас тарту сұралады.
• Әуежай алдындағы автотұрақ аймағы тек арнайы көліктер үшін қолжетімді болады. 10-14 қараша аралығында жеке көліктерді әуежай аумағына қоюға тыйым салынады, тек жолаушыларды түсіруге рұқсат етіледі.
• COP29 кезінде (10-22 қараша) жолаушылар әуежайға H1 және H2 экспресс-автобустарымен жете алады. H1 автобусы «28 Мая» метро станциясынан 10 минуттық интервалмен, H2 автобусы «Ахмедлы» метросы станциясынан 15 минуттық интервалмен қатынайды. Жол жүру ақысы тегін болады.

Әуежай жолаушыларға көлік қозғалысы шектеулері мен мүмкін болатын кідірістерді ескере отырып, әуежайға кемінде 3 сағат бұрын келуді және онлайн тіркеуден өтуге кеңес береді, бұл уақытты үнемдеуге көмектеседі. COP29 кезіндегі жолаушылар ағынының артуын ескере отырып, әуежай үздіксіз және сапалы қызмет көрсету үшін барлық қажетті шараларды қабылданады.

FlyArystan-ның Ақтау – Баку – Ақтау бағыты бойынша рейстері дүйсенбі және жұма күндері орындалады. 2025 жылдың 29 наурызына дейінгі ұшу билеттері сатылымда.